Аԥсны Аҳәынҭқарра Адәныҟатәи аусқәа рминистр адныҳәалара ҟаиҵеит

Аԥсны Аҳәынҭқарра Адәныҟатәи аусқәа рминистр адныҳәалара ҟаиҵеит
31 January 2021 461

Аԥсны Аҳәынҭқарра Адәныҟатәи аусқәа рминистр Даур Ақаҩба Ареспублика Науру ахада, адәныҟатәи аусқәа рминистр Лаинела Роуен Еингимеа адныҳәаларатә нота азынаишьҭит, Ахьыԥшымра амш инадҳәаланы.

Анотаҟны иҳәоуп:

«Ари амш Науру аҭоурых аҟны акрызҵазкуа рыцхәны иҟоуп. Иара ианыԥшуеит шәыжәлар ахақәиҭреи ахьыԥшымреи рҽазышәара. Агәра хаҳҵоит Науру ԥхьаҟагьы асоциал-економикатә ҿиаразы аҭагылазаашьа маншәалақәа раԥҵара амҩа ишықәу.

Аԥсны жәлар гәык-ԥсыкала абри амшныҳәа ду, амилаҭтә ныҳәа шәыжәлар ирыцеиҩыршоит.

Рацәаӡак идуум аамҭала шәаргьы ҳаргьы еицҳалшеит аусеицураҿ аԥышәа шьахә аимдара. Аԥсны жәлар иҳаракны ахә ршьоит ҳтәылақәа рыбжьара ишьақәгылан иҟоу ҳаиҩызаратә еизыҟазаашьа, ҳаилибакаара.

 Гәахәара дула исгәаласыршәоит 2018 шықәса ажьырныҳәамзазы Науру сыҟазаара, Ареспублика ахьыԥшымра Амш 50-шықәса ахыҵра иадҳәалаз ауснагӡатәқәа срылахәра. Агәра згоит ԥхьаҟагьы еицаҳзыманшәалоу аусеицурақәа шымҩаԥаагало ҳажәларқәа рыбзазара бзиазы».

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: