Аԥсны Адәныҟатәи аусқәа рминистр Инал Арӡынба Приднестровиатәи Молдавиатәи Ареспубликаҿ иҟоу Аԥсны Аҳәынҭқарра азинмчнагӡа змоу ахаҭарнак Александр Ватаман ПМР аҟны Аԥсны Аҳәынҭқарра аофициалтә Хаҭарнакра шьаҭаркуижьҭеи 15 шықәса аҵра идиныҳәалеит.
Адныҳәалараҟны иазгәаҭоуп:
«Приднестровиатәи Молдавиатәи Ареспубликаҿ иҟоу Аԥсны Аҳәынҭқарра Ахаҭарнакра аартуижьҭеи аус рацәа ҟаҵоуп. Ахәшьара уадаҩуп уи иалнаршаз ҳаизыҟазаашьақәа рыҿиареи рырӷәӷәареи рзы.
Убри инадҳәаланы, хаҭала шәара, Александр Владимир-иԥа, Приднестровиатәи Молдавиатәи Ареспубликаҿ иҟоу Аԥсны Аҳәынҭқарра азинмчнагӡа змоу ахаҭарнак иҳасаб ала шәџьабаа ду азгәасҭар сҭахуп.
Агәра ганы сыҟоуп Приднестровиатәи Молдавиатәи Ареспубликаҿ иҟоу Аԥсны Аҳәынҭқарра Ахаҭарнакра ԥхьаҟагьы ҳтәылақәа реизҳазыӷьара аус аҿы хра аманы ишыҟало.»