Аԥсны Адәныҟатәи аусқәа рминистр Инал Арӡынба Приднестровиатәи Молдавиатәи Ареспубликаҿ иҟоу Аԥсны Аҳәынҭқарра азинмчнагӡа змоу ахаҭарнак Александр Ватаман ПМР аҟны Аԥсны Аҳәынҭқарра аофициалтә Хаҭарнакра шьаҭаркуижьҭеи 16 шықәса аҵра идиныҳәалеит.

Адныҳәалараҟны иазгәаҭоуп:

«Ҳаҭыр зқәу Александр Владимир-иԥа!

Гәык-ԥсык ала адныҳәалара шәзынысышьҭуеит Аԥсны Аҳәынҭқарра ахада «Приднестровиатәи Молдавиатәи Ареспублика аҳҭнықалақь Тирасполь аҿы Аԥсны Аҳәынҭқарра аофициалтә Хаҭарнакра аартразы» Аусԥҟа инапы аҵеиҩижьҭеи 16 шықәса аҵра инамаданы.

Аусԥҟа анапаҵаҩра шьаҿа духеит ҩ-ганктәи аизыҟазаашьақәа рзы.

Агәра ганы сыҟоуп шәыпрфессионализм, шәҭакԥхықәра Ацҳаражәҳәарҭа аусура шьахәны амҩаԥгара ишацхраауа, иҿыцу апроектқәа рынагӡара шалдыршало.

Ишәзеиӷьасшьоит аихьӡара дуқәа.»