Аԥсны адәныҟатәи аусқәа рминистр Инал Арӡынба Ареспублика Беларусь ахада ихаҭарнак ҷыда Виктор Шеиман Ареспублика Беларусь ахьыԥшымра Амш идиныҳәалеит.
Адныҳәалараҟны иаҳәоит:
«Ҳаҭыр зқәу Виктор Владимир-иԥа!
Ишәыдышәкыл гәыкалатәи адныҳәаларақәа Ареспублика Беларусь ахьыԥшымра Амш аҽны.
Ари арыцхә лаша Аџьынџьтәылатә еибашьраан афашистә оккупациа ахҳәара иадҳәалоуп, абеларус жәлар ракзаара иасимволуп.
Аԥсны Аҳәынҭқарреи Ареспублика Беларуси рыбжьара аизыҟазаашьақәа шьаҭаны ирымоуп аҳаҭыреиқәҵара, аиҩызара рыпринципқәа.
Агәрагара сымоуп ҳаиныррақәа ԥхьаҟагьы аҿиара шроуазы.
Гәык-ԥсык ала ишәзеиӷьасшьоит аҭынчреи аизҳазыӷьареи».