Аԥсны Адәныҟатәи аусқәа рминистрра адышшылара ҟанаҵеит Шьамтәылатәи Арабтә республика Адәныҟатәи аусқәеи аҳәаанырцә иҟоу аџьынџьуааи рзы аминистррахь Шьамтәыла аҩадатәи апровинциақәа рҟны аԥсыҭбарақәа зцыз адгьылҵысра инадҳәаланы.

Адышшыларатә шәҟәаҿы иҳәоуп:

«Аԥсны Адәныҟатәи аусқәа рминистрраҿы иҭахаз рҭаацәарақәа ргәырҩа рыцеиҩыршоит, ирыдышшылоит аиашьаратә шьамтәылатә жәлар. Ахәра змоу ирзеиӷьаршьоит иаарласны ргәабзиара шьақәгыларц, арегион ари арыцҳара ду иалҵны аҭынч ԥсҭазаара иазыхынҳәырц.»