Аԥсны Адәныҟатәи аусқәа рминистрра Никарагуа Адәныҟатәи аусқәа рминистррахь адныҳәалара нанашьҭит ҳреспублика азхарҵеижьҭеи 14 шықәса аҵра инамаданы.

Адныҳәалараҟны иаҳәоит:

«Ҳгәы иахәаны иазгәаҳҭар ҳҭахуп ҳаназхашәҵаз, адипломатиатә еизыҟазаашьақәа анҳабжьаҳҵаз инаркны ҳаҩтәылак рыбжьара аполитикатә, агуманитартә уҳәа егьырҭ аусхкқәа рҟны аизҳара бзиа шыҟоу.

Ҳара ԥхьаҟагьы аполитикатә диалоги ареспублика Никарагуеи Аԥсны Аҳәынҭқарреи реизыҟазаашьа наҟ-наҟгьы ишыҭбаахало, ишыҿиало, уи азы алшарақәа шыҟоу азы агәрагара ҳамоуп».