Аԥсны Аҳәынҭқарра Адәныҟатәи аусқәа рминистрра Приднестровиа Молдавиатәи Ареспублика Адәныҟатәи Аусқәа рминистррахь адныҳәаларатә шәҟәы нанашьҭит Ареспублика Амш рыдныҳәало.

Адныҳәалараҟны иарбоуп:

«1990 шықәса цәыббра 2 - ари аҭоурыхтә рыцхә Приднестровие ажәлар рзы акрызҵазкуа мшны иҟоуп. Амилаҭтә акреи ажәлар рпатриотизмреи ирсимволуп. Ииасыз ашықәсқәа рзы Приднестровие акыр аизҳа-зыӷьара аиуит.

Иахьа агәрагара ҳамоуп ҳтәылақәа рыҩбагьы ԥхьаҟагьы аиҩызаратә усеицура аиҵыхразы русура ишацырҵо. Наҟ-ааҟгьы ҳажәларқәа реинырра ҳаинтересқәа ирықәшәо ишыҟоу хымԥадоуп».