Аԥсадгьыл ахьчаҩ имш азы Аԥсны Адәныҟатәи аусқәа рминистрра Аахыҵ Уаԥстәылатәи ареспублика Адәныҟатәи аусқәа рминистррахь адныҳәалара ҟанаҵеит.

Адныҳәалараҿы иаҳәоит:

«Аԥсадгьыл ахьчаҩ имш азы Аԥсны Адәныҟатәи аусқәа рминистрра Аахыҵ Уаԥстәылатәи ареспублика Адәныҟатәи аусқәа рминистррахь гәык-ԥсык ала адныҳәалара нанашьҭуеит.

Ари аныҳәамш аҽны иаҳгәалаҳаршәоит Аԥсадгьыл ахьчараз агәымшәареи афырхаҵареи аазырԥшыз. Ҳрыдныҳәалоит зыдгьыл гәакьа ашәарҭадара, ахьчара зхы-зыԥсы азызкыз, урҭ рҿаԥхьа ҳхырхәоит.

Аԥсадгьыл ахьчаҩ имш азы Аԥсны Адәныҟатәи аусқәа рминистрра Аахыҵ Уаԥстәылатәи ареспублика Адәныҟатәи аусқәа рминистррахь адныҳәалара ҟаҵо ҳколлегацәа ирзеиӷьаршьоит ақәҿиарақәеи аманшәаларақәеи.»