Аԥсны адәныҟатәи аусқәа рминистр Инал Арӡынба Урыстәыла адәныҟатәи аусқәа рминистрра ИАР атәылақәа аԥшьбатәи рдепартамент адиректор Денис Гончар адныҳәаларатә шәҟәы изишьҭит.
Адныҳәалараҿы иаҳәоит:
«Ҳаҭыр зқәу Денис Владимир-иԥа! Гәыкала ишәыдысныҳәалоит шәиубилеи. Шәара шәусура шьаҭаны иазыҟоуп аԥышәа, адырра ҵаула, аҟәыӷара.
Агәра згоит дипломатк иҳасаб ала аҩаӡара ҳаракқәа шәышрызнеиуа.
Гәыкала ишәзеиӷьасшьоит агәабзиара, аманшәалара, адипломатиатә маҵзураҿы ақәҿиара дуқәа».