Аԥсны Адәныҟатәи аусқәа рминистр Даур Ақаҩба адныҳәаларатә шәҟәы изааишьҭит Урыстәыла Адәныҟатәи аусқәа рминистр Сергеи Лавров.

Адныҳәалараҟны иҳәоуп:

«Гәык-ԥсык ала ишәыдысныҳәалоит шәымшира. Ишәзеиӷьасшьоит иреиҳау ақәҿиарақәа!

Гәахәарыла иазгәасҭоит ҳтәылақәа рдипломатиатә усбарҭақәа хра рыманы реинырреи русеицуреи. Агәра згоит Аԥсни Урыстәылеи рыбжьара аусеицуреи астратегиатә партниорреи ԥхьаҟагьы аҿиара рыманы ишыҟало.

Ишәзеиӷьасшьоит агәабзиара зҩыда, аҭакԥхықәра ду зду адипломатиатә усураҿы – ақәҿиарақәа!»