Аԥсны адәныҟатәи аусқәа рминистр Инал Арӡынба Шьамтәылатәи Арабтә республика адәныҟатәи аусқәеи аҳәаанырцә инхо аџьынџьуаа рызҵаарақәеи рминистр Феисал Микдад 70 шықәса ихыҵра амш идиныҳәалеит.

Адныҳәалараҿы иаҳәоит:

«Ҳаҭыр зқәу апатын аль-Микдад!

Ишәыдысныҳәалоит шәира амш!

Ҳтәылақәа рыбжьара шәара шәылшамҭақәа рыхәшьара уадаҩуп.

Ҳара, Шьамтәылатәи Арабтә республика партниор-тәыланы иҳаԥхьаӡоит, уи ус шакәу шьақәнарӷәӷәоит еиуеиԥшым аусхкқәа рҟны ҳусеицура. Сара гәыҩбара сымам ԥхьаҟагьы ҳаиашьаратә еизыҟазаашьақәа аҿиара шроуа азы.

Ишәыдышәкыл иреиӷьӡоу азеиӷьашьарақәа: агәабзиара, аҭынчра, аманшәалара, атәылеи хаҭала шәареи шәҿаԥхьа иқәгылоу аусқәа зегьы рҟны ақәҿиара дуқәа».