Аԥсны Аҳәынҭқарра Адәныҟатәи Аусқәа рминистр Инал Арӡынба ПМА адипломатиатә маҵзура аусзуҩы имш инадҳәаланы Приднестровиатәи Молдавиатәи ареспублика Адәныҟатәи Аусқәа рминистр Витали Игнатьев адныҳәалара изынаишьҭит.

Адныҳәалараҟны иаҳәоит:

«Приднестровиатәи Молдавиатәи ареспублика Адәныҟатәи Аусқәа рминистрра ашьақәгыларатә мҩа ду ианысит. Актәи амшқәа инадыркны иара аусура азырхан ареспублика жәларбжьаратәи аренаҟны ахьӡ аӡыргара, адәныҟаполитикатә курс аларҵәара, арегион аҿы аҭынчреи аҭышәынтәалареи рышьақәыргылара.

Агәра згоит Аԥсни Приднестровиатәи Молдавиатәи Ареспубликеи реизыҟазаашьа ԥхьаҟагы аусеицура бзиа амҩаԥгара шалнаршо».