Абҵара 23 рзы Дамаск ақалақь, Шьамтәыла Аминистрцәа рхеилак ахыбраҿы имҩаԥысит Шьамтәылатәи Арабтә республикаҿы иҟоу Аԥсны Аҳәынҭқарра ацҳаражәҳәаҩ Баграт Хәытабеи Хусеин Арнуси реиԥылара.

Аиԥылараан ирылацәажәан Аԥсни Шьамтәылеи рыбжьара ахәаахәҭра-економикатә усхк аҟны русеицура азҵаарақәа, ҷыдала аԥсны-шьамтәылатә инвистициатә проектқәа рынагӡара алыршара.

Шьамтәыла аиҳабыра рхада иажәақәа рыла адунеи аҿы иҟоу аепидемиологиатә ҭагылазаашьа уадаҩ иахьмырԥшкәа атәылақәа аҩба рыбжьара ганрацәала аусеицура ырҭбаалатәуп.