Сергеи Лавров иколлега Инал Арӡынба Аԥсни Урыстәылеи адипломатиатә еизыҟазаашьақәа шьақәдыргылежьҭеи 15 шықәса аҵра идиныҳәалеит.
Адныҳәаларатә шәҟәы аҟны иаҳәоит:
«Москвеи Аҟәеи аиҩызареи астратегиатә партниорреи рҟазшьа змоу аусеицура зырҿио, аамҭа иаԥышәахьоу аиҩызара рыбжьоуп. Ҳара ҳаиднакылоит иаҳзеиԥшу акультура-цәаҩашәатә ориентирқәеи адунеихәаԥшратә шьақәгылареи, иаҳзеиԥшу аҭоурых адаҟьақәа рызгәдуреи».
Сергеи Лавров аҩ-ҳәынҭқаррак рыдәныҟаполитикатә хылаԥшырҭақәа рыбжьара ишьақәгылаз аусуратә еимадара аҩаӡара шыҳараку азгәеиҭеит. «Уи Аԥсны жәларбжьаратәи авторитет ашьҭыхра, Кавказнҭыҵ ашарҭадареи аҭышәынтәалареи рышьақәыргылара уахь иналаҵаны, актуалра злоу азҵаарақәа еффективла рыӡбара алнаршоит», - ҳәа иаҳәоит адныҳәалара атекст аҿы.
Сергеи Лавров Инал Арӡынбеи Аԥсны адәныҟатәи аусқәа Рминистрра аколлективи агәабзиара, аизҳазыӷьара, рнапы злаку рзанааҭтә усура аҿы аихьӡарақәеи ақәҿиарақәеи рзеиӷьеишьеит.