Раҳәарамза 21 азы Аԥсны Аҳәынҭқарра Адәныҟатәи аусқәа рминистр Инал Арӡынбеи Шьамтәыла Арабтә республика Адәныҟатәи аусқәеи аҳәаанырцә иҟоу аџьынџьуаа рнырреи рзы аминистр Феисал Микдади ҭелла еицәажәеит.

Аганқәа алацәажәеит аԥсны-шьамтәылатә еизыҟазаашьақәеи ԥхьаҟатәи аҳәынҭқаррабжьаратә усеицуреи рызҵаарақәа.

Инал Арӡынба Феисал Микдад Аԥсныҟа дааиԥхьеит. Авизит азыԥхьагәаҭоуп ашықәс нҵәаанӡа. Анапы аҵаҩхоит Аԥсны Аҳәынҭқарра Адәныҟатәи аусқәа рминистрреи Шьамтәыла Арабтә республика Адәныҟатәи аусқәеи аҳәаанырцә иҟоу аџьынџьуаа рнырреи рзы аминистрреи рыбжьара аилибакааразы Амеморандум.