Аԥсны адәныҟатәи аусқәа рминистрра аинформациатә каналқәа ркоординатор Милана Ҳашԥҳа иҟалҵеит ахҳәаа: 

"Аԥсны адәныҟатәи аусқәа рминистрра есҽынтәи аусура ҿагылароуп – Еиду аштатқәа, Евроеидгыла, Қырҭтәыла ҳаԥшьгарақәа, ҳпартниорцәеи ҳареи ҳаиныррақәа алыдмыршарц азы рҽазышәарақәа рганахь ала. 

Мраҭашәа атәылақәа Аԥсни Беларуссиеи реицәажәара алмыршаразы заҟа мчы дырӡзеи? Иахьа урҭ рҽазыршәоит Аԥсни Еиду арабтә емиратқәеи егьырҭ атәылақәеи реинырра иаԥырхагахарц. 

Ааигәа Қырҭтәыла адәныҟатәи аусқәа рминистрра ҳминистри ЕАЕ Урыстәыла иҟоу ацҳаражәҳәаҩи реинырра шԥаҟалеи ҳәа ацҭәа алырхит. Ари аус аҿы ҳәарада америкатәии европатәии адипломатцәа рыцхраауеит, иара убасгьы еиҳабыратәым аиҿкаарақәа адгылара рзыҟарҵоит. 

Аԥснытәи еиҳабыратәым аиҿкаарақәа ҳара ҳҭахызкаауа – Қарҭ иҟоу ЕАА Ацҳаражәҳәарҭа аԥара ззыршәо аинтернет-ресурс Jam-news.net адаҟьақәа рҟынтәи « урҭ шәҭахыркааӡом» ҳәа ҳарҳәоит. 

Аԥснытәи аиҿкаарақәа пату зқәырҵо аресурс «Эхо Кавказа» акәзар иаԥызҵаз ЕАА Аҳәынҭдепартамент ауп арахь. 

Шамахамзар арҭ акьыԥхьымҭақәа ирҳәо мцуп. 

Изгәаԥхоит изгәамԥхои ыҟоуп ҳәа азхьаԥшра амҭакәа ҳара аиаша ҳҳәалоит, ԥхьаҟагьы Аԥсны жәларбжьаратәи аизыҟазаашьатә системаҿы аҭыԥ аанкылара иаԥырхаго ҳарҿагылалоит».