Аԥсны адәныҟатәи аусқәа рминистрра ахҳәаа

Аԥсны адәныҟатәи аусқәа рминистрра ахҳәаа
30 July 2019 161
Аԥсны адәныҟатәи аусқәа рминистрраҟны азхьаԥшра арҭеит Қырҭтәыла адәныҟатәи аусқәа рминистрра Аҟәатәи аҳаиртә баӷәаза аусура алагара инадҳәаланы иҟанаҵаз аҳәамҭа.

Аԥсны адәныҟатәи аусқәа рминистрра асеиԥш иҟоу аҳәамҭа аҽазныкгьы Аԥсны аҩныҵҟатә усқәа аҽрылагалареи адунеижәларбжьаратә ҭахкаара ацҵареи ирзырханы  иҟоуп ҳәа ахырҳәаауеит.

Абри ахҭыс иҿаҿаӡа иаанарԥшуеит Қырҭтәыла иҟоу аҭагылазаашьа еиҭакны жәларбжьаратәи ауаажәларратә еилазаара иара ишаҭаху еиԥш ишрызнанаго.

Аҳәамҭа аконтекст иаҵубаауеит ақырҭуа прапоганда иааҟәымҵӡакәа  иара аҵакырадгьыл анҭыҵтәи аусқәа  рыӡбра рыҽшазыршәо, убри аан арегион аҿы иҟоу аҭагылазаашьа иашаҵәҟьа рыла шацәхырҩо.

Аԥсны, ихьыԥшым суверентә ҳәынҭқаррак аҳасаб ала ԥхьаҟагьы иазыхиоуп адунеитә уаажәларра рнырра, убри аан аҽаӡәы игәаԥхо игәамԥхо ҳәа иазымхәыцкәа.

Азхьаԥшра аҳҭоит  ақырҭуа ган ауаҩытәыҩса изинқәа рзы Азеиԥшдекларациа ауаатәыҩса ирнаҭо  ауаатәыҩса рхы иақәиҭны рынеиҭаҵааиҭаҵраз азин шеиларго, қырҭтәыла аиҳабыра рахь ааԥхьара ҟаҳҵоит хықәкыла Аԥсны аганахь ала ашовинисттә политика амҩаԥгара иаҟәыҵырц.


Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: