Қырҭтәыла амчрақәа аҳәаазгәаҭареи алимитациа хыхреи рзы апроцесс хдыркәшароуп, аха уи Қырҭтәылеи Урыстәылеи рыбжьара иҟоу аҳәааҿ ҳәа Қырҭтәыла аԥыза-министр И. Гарибашвили иҳәамҭа азхьаԥшра анаҭеит Аԥсны Адәныҟатәи аусқәа рминистрра.

И.Гарибашвили иҳәамҭа хшыҩ зҵоу акоуп ҳәа иузыԥхьаӡом. Уааҟәымҵӡакәа "Иаку Қырҭтәыла" ҳәа уҳәалар ауеит, аха уи арегион аҿы иҟоу аҭагылазаашьа аԥсахраны иҟам. Иахьатәи аамҭазы Аԥсны аиҿкаара иаҿуп Аԥсни Қырҭтәылеи рыбжьара аҳәаазгәаҭареи алимитациа ахыхреи рзы акомиссиа. Ақырҭуа ган аҟынтәи ҳажәалагала аҭак арҭап ҳәа ҳаԥшуп. Ҳгәыӷуеит ақырҭуа гангьы иара абри аҩыза акомиссиа аԥнаҵап ҳәа ҳәа рҳәоит адәныҟаполитикатә усбарҭаҿы.

Аԥсны Адәныҟатәи аусқәа рминистрра даҽазныкгьы Қырҭтәыла аиҳабыра аҳәаазгәаҭаразы аусурақәа ирыдрыԥхьалоит, даҽазныкгьы Қырҭтәыла аиҳабыра рахь ааԥхьара ҟарҵоит ари апроблематика ахшыҩзышьҭра арҭарц, рыгәгьы рҽанырҵоит уи иазхьамԥшыр, ганкы мацара ала аусурақәа шымҩаԥгахо.

Иахьатәи аамҭазы Аԥсны аиҿкаара иаҿуп Аԥсни Қырҭтәылеи рыбжьара аҳәаазгәаҭареи алимитациа ахыхреи рзы акомиссиа. Ақырҭуа ган аҟынтәи ҳажәалагала аҭак арҭап ҳәа ҳаԥшуп, ҳгәыӷуеит ақырҭуа гангьы иара абри аҩыза акомиссиа аԥнаҵап ҳәа азгәарҭоит аминистрраҿы.