Аԥсны адәныҟаполитикатә усбарҭа аиҳабы Инал Арӡынба Урыстәыла иҟоу Аԥсылман республика Иран ацҳаражәҳәарҭа даҭааит.

Адәныҟаполитикатә усбарҭа аиҳабы Инал Арӡынба 2022 шықәса жьҭаара 26 рзы Шираз ақалақь Шах-Черах амовзалеи аҟны атерракт иахҟьаны аҭычуааԥсыра рҭахаразы Урыстәыла иҟоу Аԥсылман республика Иран азинмч змоу ацҳаражәҳәаҩ Казем Џьалали дидышшылеит.

Иара убас Арӡынба Аԥсны ахада Аслан Бжьаниа ихьӡала Иран иқәынхо ажәлар дрыдышшылеит, агәалсратә шәҟәы аҟны анҵамҭа аанижьит.