Жәабран 14 рзы, усутә ныҟәарыла Москваҟа амҩа дықәлеит Инал Арӡынба.

2024 шықәса жәабран 14 рзы Урыстәыла адәныҟатәи аусқәа рминистрраҟны имҩаԥысит Аԥсны адәныҟатәи аусқәа рминистр Инал Арӡынбеи агәыԥ БРИКС аҟны Урыстәыла ахада ихаҭарнак, Урыстәыла адәныҟатәи аусқәа рминистр ихаҭыԥуаҩ Сергеи Риабкови реиԥылара.

Аганқәа наҟ-ааҟ аинтерес ззецрымаз азҵаарақәа ирылацәажәеит.

Риабков БРИКС аҟны Урыстәыла ахантәаҩра актуалтә аспектқәа дырзааҭгылеит.

БРИКС аҟны Урыстәыла ахантәаҩра 2024 шықәса ажьырныҳәа 1 инаркны ԥхынҷкәын 31 рҟынӡа имҩаԥысуеит. Ари аамҭа иалагӡаны иазыԥхьагәаҭоуп 200 рҟынӡа усмҩаԥгатә реиҿкаара.

БРИКС аҳәынҭқаррақәа рхадацәа рсаммит мҩаԥгахараны иҟоуп Казань.