Аԥсны Аҳәынҭқарра Адәныҟатәи
аусқәа рминистрра

Ministry of Foreign Affairs of the
Republic of Abkhazia

Аԥсны Адәныҟатәи аусқәа рминистрра ахҳәаа

17 July 2017 193
Ԥхынгәы 12 2017 шықәса рзы ООН иҟоу Қырҭтәыла Ахаҭарнак диԥылеит ООН Амаӡаныҟәгаҩ хада Антониу Гутерриш. Аиԥылараан инаҵшьны иазгәаҭан Аԥсни Аахыҵ Уаԥстәылеи рҟны ауаҩытәыҩса изинқәа ишрықәныҟәо ахылаԥшразы жәларбжьаратәи амеханизмқәа раԥҵара аҵак ду аманы ишыҟоу.

Қырҭтәылатәи аган жәларбжьаратәи аплошьчадкақәа рхы ианархәоит Аԥсны имҩаԥысуа ахҭысқәа рзы имцу аинформациа аларҵәаразы, Мраҭашәаратәи атәылақәа реиҳабыра рыцхыраарала Аԥсны ахаҭарнакцәа еиуеиԥшым жәларбжьаратәи аинститутқәа русура ралахәра аԥынгылақәа азеиҿнакаауеит.

Абасала иахьагьы жәларбжьаратәи аилазаара иаиуа иобиективым аинформациа ҵаҵӷәны иҟарҵоит, Аԥсны ахьӡгьы ладырҟәуеит.

Аԥсны Адәныҟатәи аусқәа рминистрра иахәҭаны иаԥхьаӡоит иазгәанаҭарц иахьазы аԥсуа-қырҭуа еизыҟазаашьа ҭышәынзыртәалоны жәларбжьаратә механизмны иҟоу Женеватәи аиҿцәажәарақәа шракәу.

Ус анакәха ақырҭуа ган ашәарҭадара аиҿкааразы аҽа жәларбжьаратә механизмқәак аԥҵатәуп ҳәа иҟарҵо ааԥхьара абсурдны иҟоуп.

Уи адагьы аԥышәа ишаҳнарбо ала ақырҭуа ган азыхианы иҟаӡам иҟоу апроблемақәа рыӡбреи арегион аҟны аҭынчреи ашәарҭадареи реиҿкаареи.

Уи ус шакәу унарбоит Женеватәи аиҿцәажәарақәа 40-тәи рраунд аан амч ахамырхәаразы алахәылацәа зегьы ззеиқәшаҳаҭхахьаз атекст ақырҭуа ган мап ахьацәнакыз.

Ари афакт иҿаҿаӡа иаанарԥшуеит Қырҭтәыла ашәарҭадара азҵаарақәа рыӡбразы иарбанызаалак иҵоуроу ашьаҿа шыҟанамҵо.

Ауаҩы изинқәа рықәныҟәара азҵаара аганахь ала иалацәажәатәны иаабоит 2016 шықәса рзы Европатәи ахеидкыла Аԥсныҟа ишынанашьҭыз еицырдыруа европатәи азинхьчаҩ Томас Хаммарберг зхадараҿы дыҟаз амиссиа. Дара реихшьаала аԥхьахә аҟны иарбан Аԥсны ауаҩы изинқәа рыхьчара иадҳәалоу азҵаарақәа адинамика бзиа рымоуп ҳәа.

Абасала ақырҭуа политикцәа Аԥсны Аҳәынҭқарраҿ ауаҩ изинқәа аилагара ӷәӷәа рымоуп ҳәа ирҳәо аполитикатәи апопулисттәи шьаҭа рыманы иҟоуп.

Материалы по теме

 
 
 

Аԥсны Адәныҟатәи аусқәа рминистр Даур Ақаҩба Урыстәылатәи Афедерациа Аконституциа амш азгәаҭара инамаданы Урыстәыла Адәныҟатәи аусқәа рминистр сергеи Лавров дидныҳәалеит

12.12.2017

Сократ Џьынџьал адныҳәаларатә шәҟәы изынашьҭуп

11.12.2017

Аԥсны Аҳәынҭқарра Адәныҟатәи аусқәа рминистрра Ашьха Ҟарабахтәи Ареспублика Адәныҟатәи аусқәа рминистрра ашҟа адныҳәаларатә нота нанашьҭит

10.12.2017

Аԥсны Адәныҟатәи аусқәа рминистрра адашшыларатә шәҟәы ашьҭит Ермантәыла Адәныҟатәи аусқәа рминистррахь

07.12.2017

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: