Лаҵара 13 рзы Ҭырқәтәылатәи Ареспубликаҿы усутә визитла иҟоу Аԥсны Аҳәынҭқарра аҟынтәи аделегациа Ҭырқәтәыла иҟоу Аԥсны Аҳәынҭқарра азинмчнагӡа змоу Ахаҭарнакра иаҭааит, Ахаҭарнакра аусура шцо еилыркааит.
Аделегациа аилазаара иалоуп: Жәлар Реизара-Апарламент адепутатцәа: Рашида Аиба, Дмитри Маршьаниа, Демур Гогьиа, Нарсоу Салаҟаиа, Асҭамыр Џьопуа, Аԥсадгьыл ахь архынҳәразы Аҳәынҭқарратә еилакы ахантәаҩы Баграт Боџьгәуа, ахантәаҩы ихаҭыԥуаҩ Џьансыхә Лазба, ахантәаҩы иабжьгаҩ Вадим Ҳаразиа, аиҿкаара-зинтә ҟәша аиҳабы Аслан Сангәлиа, ҳџьынџьуаа рымадаразы аҟәша аиҳабы Инал Хәытаба.
Аиԥылараан Ибрагим Аҩӡба аделегациа алахәылацәа ирзеиҭеиҳәеит Ахаҭарнакра уажәтәи аусуреи хара имгакәа агәҭакқәеи ртәы.
