Шьамтәылатәи Арабтә Республика Азеиԥш спорттә Федерациа ааԥхьарала, Шьамтәыла иҟоу Аԥсны Аҳәынҭқарра Ацҳаражәҳәарҭа адипломатцәа IV жәларбжьаратәи атурнир “Тишринтәи амҩақәа” рхы аладырхәит.
Тартус апровинциаҿы имҩаԥысыз амаланыҟәа-ныҟәара амилаҭтә ныҳәа “Жьҭааратәи ахақәиҭратә еибашьра” иақәдыршәеит.
Аспорттә усмҩаԥгатә рхы аладырхәит ҩышәҩык инареиҳаны амаланыҟәа аныҟәцаҩцәа.
Амаланыҟәа аныҟәцаҩцәа рколонна ахадараҿы игылан Шьамтәыла иҟоу Аԥсны ацҳаражәҳәаҩ Муҳаммад Али, Ацҳаражәҳәарҭа абжьгаҩ Гаис Аль Ҳарке, Шьамтәыла иҟоу Ареспублика Индонезиа ацҳаражәҳәаҩ Уаџьид Фаузи, Шьамтәыла иҟоу Бахреин Ацҳаражәҳәарҭа аусқәа рзы аамҭалатә напхгаҩы Камил Рамадхани, Шьамтәыла иҟоу Тунистәи Ареспублика Ацҳаражәҳәарҭа аамҭалатә наԥхгаҩы Маџьи Аль Дахери.
Ауснагӡатә алахәылацәа ргәалашәараҿы иаанхо аҳамҭақәа ранашьан.
