Рашәара 10 азы Каракас, Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергея Мелик-Багдасаров инаԥхьарала Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Урыстәыла Амш иазкыз ауснагӡатә далахәын.
Ауснагӡатә мҩаԥысит Каракас, Амилаҭтә Пантеон «Симон Боливар имузеи» аҟны.
Аусмҩаԥгатә аофициалтә хәҭа напхгара аиҭон Сергеи Мелик-Багдасаров. Иара убри амш азы аныҳәатә хәылԥазы мҩаԥган Каракас, Гран Мелиа аотель аҿы.
Ахәылԥаз ааиртит Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергея Мелик-Багдасаров. Иара иажәахә ашьҭахь адныҳәалара ҟаҵо дықәгылеит Боливариантәи Ареспублика Венесуела адәныҟатәи аусқәа рминистр Иван Хиль. Иара атәыла ахада Николос Мадуро ихьӡала адныҳәаларатә аацҳамҭа даԥхьеит.
Ауснагӡатә иалахәын: Венесуела иҟоу ацҳаражәҳәаҩцәеи адипломатиатә миссиақәа рхадацәа, Боливариантәи Ареспублика Венесуела анапхгара, Амилаҭтә Ассамблеиа, АИХқәа, Адәныҟатәи аусқәа рминистрра рхаҭарнакцәа.
