Аԥсны адәныҟатәи аусқәа рминистр Олег Барцыц Приднестровтәи Молдавтәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Александр Ватаман иира амш идиныҳәалеит.
Адныҳәалараҿы иазгәаҭоуп:
"Шәара шәыԥсабаратә дипломатиа, иналукааша шәзанааҭдырра, иҷыдоу шәхатә ҟазшьақәа —акыр шықәса раахыс Аԥсны Аҳәынҭқарра аинтересқәа рымаҵ руеит.Шәара шәаҳаҭыр акыр идууп Аԥсны Адәныҟатәи аусқәа рминистрра аколлектив рҿеиԥш атәыла анапхгара рҿгьы.
Агәра ганы сыҟоуп шәара шәнапхгарала Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Аофициалтә Хаҭарнакра аусура аринахысгьы хра аманы ишрыцхраауа аԥсны-приднестровиатәи аизыҟазаашьақәа, урҭ рыпрактикатә еинырра аҵакы ҿыцқәа рыла рхарҭәаара».
Олег Барцыц Александр Ватаман изеиӷьеишьеит агәабзиара, аманшәалара, Аԥсны Аҳәынҭқарра аизҳазыӷьаразы аҭакзыԥхықәу адипломатиатә усураҿы аихьӡара ҿыцқәа.