Мшаԥы 29 рзы Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Аофициалтә Хаҭарнакраҿы имҩаԥысит Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Азинмчы змоу ахаҭарнак Александр Ватамани Приднестровиатәи Аҳәынҭқарратә Университет азиндырратә факультет 4-тәи акурс астудентцәеи реиԥылара.
Аиԥылара еиҿкаан лекциак аҳасабала. Александр Ватаман астудентцәа ирзеиҭеиҳәеит Аԥсны аҳәынҭқарратә шьақәгылашьа, 1993 шықәса инаркны иахьанӡа Аԥсны Аҳәынҭқарреи Приднестровиатәи Молдавиатәи Ареспубликеи русеицура, Аофициалтә Хаҭарнакра аусура ахырхарҭа хадақәа ртәы, иара убас дырзааҭгылеит Аԥсны Аҳәынҭқарраҟны ицо ҳаамҭазтәи аполитикатә, анапхгараҭаратә, аекономикатә процессқәа.
Аԥсны агеографиеи, атрадициақәеи, акультуреи еиҳа инарҭбааны рдырразы Александр Ватаман Аԥсны еиҳа еиӷьны издыруа ҳәа астудентцәа рыбжьара аицлабра мҩаԥигеит.
Аиуристтә факультет астудентцәа рызҵаарақәа инарҭбаау рҭакқәа иалдыршеит Аԥсны аҳауатә зонақәа, Ареспублика аԥсабаратә ҭыԥ ԥшӡарақәа, акультуратә ҭынха, аԥсуа бызшәа ртәы инарҭбааны астудентцәа реилкаара.
Аицлабраҿы аиааира ргеит Анастасиа Опокинеи Иулиа Добровеи. Александр Ватаман аиааира згаз Аԥсны Аҳәынҭқарра аҳәынҭқарратә символикеи Аԥсны АдәАР асимволикеи зну асувенирқәа ранеишьеит.
