Боливариантәи Ареспублика Венесуела иҟоу Аԥсны Аҳәынҭқарра азинмч нагӡа змоу ацҳаражәҳәаҩ Заур Ӷәаџьаа Ареспублика Гондурас ахьыԥшымра 202-шықәса аҵра азгәаҭара иазку аныҳәатә усмҩаԥгатәқәа ихы рылархәит Боливариантәи Ареспублика Венесуела иҟоу Ареспублика Гондурас ацҳаражәҳәаҩ Скарлет Ромеро инаԥхьарала цәыббра 15 рзы.
Ауснагӡатә мҩаԥган Амилаҭтә пантеон аҿы, Каракас.
Ацеремониа ахадараҿы иҟан Боливариантәи Ареспублика Венесуела Адәныҟатәи аусқәа рминистрра Азиеи, Мрагылара ааигәеи Окианиеи рзы аминистр ихаҭыԥуаҩ Татиана Пиу Моренои Ареспублика Гондурас ацҳаражәҳәаҩ Скарлет Ромерои.
Ацеремониа иалахәын Венесуела аккредитациа зманы иҟоу адипломатиатә миссиақәа рхадацәа, рхаҭарнакцәа, ацҳаражәҳәаҩцәа, АИХқәа русзуҩцәа, асасцәа.
