Ԥхынҷкәын 6 азы имҩаԥысит Шьамтәылатәи Арабтә республикаҿы иҟоу Аԥсны Аҳәынҭқарра азинмч нагӡа змоу ацҳаражәҳәаҩ Баграт Хәытабеи Шьамтәылатәи Арабтә республика ақыҭанхамҩа аминистр Мохаммад Хассан Катанеи реиԥылара.
Аиԥылараҿы ирылацәажәан ақыҭанхамҩа аусхк аҟны Аԥсни Шьамтәылеи русеицура. Иазгәаҭан аԥыжәара змоу ахырхарҭақәа.
Аганқәа алацәажәеит атәылақәа рыҩба ақыҭанхамҩаз рминистррақәа рыбжьара аусеицуразы Амеморандум анапаҵаҩра азҵаара.