Аԥсни Шьамтәылеи рыбжьара аҭҵаарадырратәии акультуратәии усеицура аԥеиԥшқәа иара убасгьы астепендиақәа рыпрограммақәа ирылацәажәеит Шьамтәылатәи Арабтә республикаҿы иҟоу Аԥсны Аҳәынҭқарра азинмчра змоу ацҳаражәҳәаҩ Мухаммад Алии Шьамтәылатәи Арабтә республика Иреиҳаӡоу аҵареи аҭҵаарадыррақәеи рминистр, адоктор Басам Ибрагими реиԥылараан.

Адоктор Басам Ибрагим инаҵшьны иазгәеиҭеит атәылақәа рыбжьара арҭ аусхкқәа рганахь ала аусеицура аҵак ду аманы ишыҟоу.

Аминистр иазгәеиҭеит Аԥснытәи Аҳәынҭқарратә Университет ароль.

Шьамтәылатәи Арабтә республикаҿы иҟоу Аԥсны Аҳәынҭқарра азинмчра змоу ацҳаражәҳәаҩ Мухаммад Али иакәзар иазгәеиҭеит аԥснытәии шьамтәылатәии ауниверситетқәеи атәылақәа рыҩба рҵаратә министррақәеи реинырра шхымԥадатәиу.

Ацҳаражәҳәаҩ Али иҳәеит ари аус иахәҭоу адгылара аҭара дшазыхио.