Шьамтәыла иҟоу Аԥсны ацҳаражәҳәаҩ Мухаммад Али Шьамтәыла АдәАР ахада Феисал аль-Микдад агәраргагатә шәҟәқәа ииҭеит ҳәа аанацҳауеит Аԥсны АдәАр апресс-маҵзура.
Аиԥылараан аганқәа алацәажәеит Аԥсни Мрагылара ааигәа атәылақәаки реизыҟазаашьақәа рыҿиара, уи аус аҟны Шьамтәыла ацхыраара ишазыхио.
Иара убасгьы ирзааҭгылан ҩ-ганктәи аиныррақәа аполитикатә, ахәаахәҭра-економикатә, агуманитартә усхкқәа рҟны.
Мухаммад Али Шьамтәылатәи Арабтә республикаҟны Аԥсны ацҳаражәҳәаҩыс дҟаҵан 2023 шықәса жьҭаарамзазы. Уаанӡа ари аҭыԥ никылон Баграт Хәытаба.