Заур Ӷәаџьааи Али Падрони еиԥылеит

Заур Ӷәаџьааи Али Падрони еиԥылеит
27 July 2022 351

Ԥхынгәы 25 азы Каракас, Атуризм аминистрра аштаб-квартираҿ имҩаԥысит Боливариантәи Ареспублика Венесуела иҟоу азинмчра змоу Аԥсны ацҳаражәҳәаҩ Заур Ӷәаџьааи Боливариантәи Ареспублика Венесуела Атуризм аминистр Али Падрони русутә еиԥылара.

Аиԥылараҿы ргәаанагара еимырдеит ҩ-ганктәи аусеицура аганахь ала, ирылацәажәеит Аԥсны Аҳәынҭқарреи Боливариантәи Ареспублика Венесуелеи рыбжьара атуризм аусхк аҟны аизыҟазаашьақәа рышьақәыргылара азҵаарақәа.

Заур Ӷәаџьаа Али Падрон ҭабуп ҳәа иеиҳәеит аԥхарра зҵаны еиҿкааз аиԥылараз, изеиҭеиҳәеит Аԥсны аҭоурых, акультура, атуристтә лшарақәа ртәы.

Аиԥылара аҳәаақәа ирҭагӡаны аҩ-ганкгьы аинтерес аадырԥшит атуризм аусхк аҟны Аԥсни Венесуелеи русеицура аганахь ала.

Атуризм аминистр Али Падрон Заура Ӷәаџьаа ҭабуп ҳәа иеиҳәеит аиԥылараз, Венесуела ахада Николас Мадуро Морос ихьӡала Аԥсны анапхгареи ажәлари салам рзааиҭиит.
Аминистр Падрон иазгәеиҭеит Николас Мадуро, Аԥсны назлоу Венесуела иаҩыза-тәылақәоу аус рыцура инарҭбааны амҩаԥгара шигәҭаку.

Иара Аԥсны атуризм аминистрра ааԥхьара аиҭеит Жәларбжьаратәи атуристтә иармарка (Fitven) иалахәхарц. Аиармарка мҩаԥгахоит абҵарамзазы, аштат Ансоатеги аҿы.
Аганқәа аҳамҭақәа еимырдеит.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: