Урыстәыла ацҳаражәҳәаҩ Сергеи Мелик-Багдасаров инаԥхьарала Заур Ӷәаџьаа ауснагӡатә далахәын

Урыстәыла ацҳаражәҳәаҩ Сергеи Мелик-Багдасаров инаԥхьарала Заур Ӷәаџьаа ауснагӡатә далахәын
8 December 2023 55

2023 шықәса ԥхынҷкәын 7 азы Каракас, Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергеи Мелик-Багдасаров инаԥхьарала Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа амурал «Урыстәыла-Венесуела: шәышықәсалатәи аиҩызара» аартра иазкыз ауснагӡатә далахәын.

Ауснагӡатә мҩаԥысит Боливар иашҭаҿы, Каракас.

Венесуела иҟоу Урыстәылатәи Афедерациа ацҳаражәҳәаҩ Сергеи Мелик-Багдасаров амилаҭ фырхаҵа Франсиско де Мирандеи аҳәынҭқарԥҳәыс Екатеринеи рсахьа зныз амурал ааиртит. Ажәахәқәа ҟарҵеит Каракас агубернатор Нахум Фернандес, Урыстәыла ацҳаражәҳәаҩ Сергеи Мелик-Багдасаров, Венесуела акультура аминистр Ернесто Вильегас.

Ауснагӡатә иалахәын: Венесуела адәныҟатәи аусқәа рминистрра ахаҭарнакцәа, Боливариантәи Ареспублика Венесуела аус зуа ацҳаражәҳәаҩцәеи адипломатиатә миссиақәа рхадацәеи, Боливариантәи Ареспублика Венесуела анапхгара ахаҭарнакцәа, Амилаҭтә Ассамблеиа адепутатцәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: