Мухаммад Али Башар Аль-Асад агәраргагатә шәҟәқәа ииҭеит

Мухаммад Али Башар Аль-Асад агәраргагатә шәҟәқәа ииҭеит
5 February 2024 71

Шьамтәыла иҟоу азинмчнагӡеи анапынҵа ҷыдақәеи змоу Аԥсны ацҳаражәҳәаҩ Мухаммад Али Шьамтәылатәи Арабтә республика ахада Башар Аль-Асад агәраргагатә шәҟәқәа ииҭеит.

Ацҳаражәҳәаҩ Аԥсни Шьамтәылеи рҳәынҭқарратә хьыӡрашәақәа арҳәаны, аҳаҭыртә ҟаруыл ықәыргыланы дрыдыркылеит.

Аиԥылараан Шьамтәыла ахада Башар аль-Асад Аԥсны ахада Аслан Бжьаниа асалам изааиҭиит, игәалаиршәеит уи Шьамтәылатәи Арабтә республикаҿ 2021 шықәса рзы иҟазаара аамҭа. Ахада аль-Асад иазгәеиҭеит Бжьаниеи иареи реизыҟазаашьа аиашьаратә ҟазшьа шамоу.

Шьамтәыла ахада иара убасгьы ацҳаражәҳәаҩ ҿыц изеиӷьеишьеит иусураҿы ақәҿиарақәа.

Аԥсны ацҳаражәҳәаҩ Мухаммед Али Аԥсны ахада Аслан Бжьаниа иҟынтә ахада аль-Асад салам ииҭеит, 2024 шықәса лаҵара 29 азы Аԥсныҟа дааиԥхьеит. Абри амш аҽны иҵуеит фышықәса Шьамтәыла Аԥсны ахьыԥшымра азханаҵеижьҭеи.

Ацҳаражәҳәаҩ иазгәеиҭеит Аԥсни Шьамтәылеи аизыҟазаашьақәа рыҿиараҿ узықәгәыӷша партниорцәаны ишыҟоу.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: