Шьамтәылатәи Арабтә республикаҿ иҟоу Аԥсны азинмчнагӡа змоу ацҳаражәҳәаҩ Мухаммад Алии Шьамтәылатәи Арабтә республикаҿ иҟоу ачерқьестә гәыҳалалратә ассоциациа адиректорцәа Рхеилак ахантәаҩы Гассан Шоуреи реиԥылара мҩаԥысит Шьамтәыла иҟоу Аԥсны Ацҳаражәҳәарҭаҿы.

Аиԥылараҟны ирылацәажәан Шьамтәылатәи Арабтә республикаҿ иҟоу Аԥсны Ацҳаражәҳәарҭеи Шьамтәылатәи Арабтә республикаҿ иҟоу ачерқьестә гәыҳалалратә ассоциациа адиректорцәа Рхеилаки еиуеиԥшым аусхкқәа рҟны русеицура азҵаарақәа.

Уи адагьы Шьамтәылатәи Арабтә республикаҿ иҟоу Аԥсны азинмчнагӡа змоу ацҳаражәҳәаҩ Мухаммад Али ахә ҳаракны ишьеит Шьамтәыла иҟоу ачерқьес уаԥшь инанагӡо ароль.

Ацҳаражәҳәаҩ ассоциациа анапхгара ҭабуп ҳәа реиҳәеит имҩаԥырго агәыҳалалратә, асоциалтә, амедицинатә усуразы.

Шьамтәылатәи Арабтә республикаҿ иҟоу ачерқьестә гәыҳалалратә ассоциациа адиректорцәа Рхеилак ахантәаҩы Гассан Шоура ачерқьес уаԥшь алахәылацәеи хаҭала иареи рыхьӡала ацҳаражәҳәаҩ идиныҳәалеит инапы ианырҵаз аус ду, изеиӷьеишьеит иусураҟны ақәҿиарақәа.