Шьамтәыла иҟоу Аԥсны аусқәа рзы агәрага ауснагӡатә ихы алаирхәит

Шьамтәыла иҟоу Аԥсны аусқәа рзы агәрага ауснагӡатә ихы алаирхәит
30 November 2022 106

2022 шықәса абҵара 29 азы Шьамтәылатәи Арабтә республикаҿ иҟоу Аԥсны аамҭалатәи агәрага, Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәарҭа абжьгаҩ Муҳаммед Али Шьамтәылатәи Арабтә республикаҿы иҟоу Аҳәынҭқарра Палестина ацҳаражәҳәаҩ Самир Ель-Руфаи инаԥхьарала далахәын апалестина жәлар рыдгылараз Жәларбжьаратәи амш иазкыз ауснагӡатә.

Адкылара мҩаԥысуан Дамаск ақалақь аотель «Dama Rose» аҿы.

Ауснагӡатә аҳәаақәа ирҭагӡаны Шьамтәылатәи Арабтә республикаҿ иҟоу Аԥсны аамҭалатәи агәрага, Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәарҭа абжьгаҩ Муҳаммед Али Шьамтәылатәи Арабтә республикаҿы иҟоу Аҳәынҭқарра Палестина ацҳаражәҳәаҩ Самир Ель-Руфаи ииҭеит Аҳәынҭқарра Палестина адәныҟатәи аусқәеи аекпатриантцәа русқәа рзи аминистр Риад Аль-Малик ихьӡала Аԥсны Адәныҟатәи аусқәа рминистр Инал Арӡынба апалестина жәлар рыдгылараз Жәларбжьаратәи амш иазкны инаишьҭыз инота.

Ауснагӡатә иалахәын Шьамтәылатәи Арабтә республика анапхгара рхаҭарнакцәа, атәылаҿ аккредитациа змоу адипломатцәа, палестинатәи аполитикатә фракциақәа рхаҭарнакцәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: