Заур Ӷәаџьаа TELESUR ахада Патрисиа Вильегас дылԥылеит

Заур Ӷәаџьаа TELESUR ахада  Патрисиа Вильегас дылԥылеит
27 April 2023 164

2023 шықәса мшаԥы 26 азы имҩаԥысит Боливариантәи Ареспублика Венесуела иҟоу Аԥсны ацҳаражәҳәаҩ Заур Ӷәаџьааи аилахәыра TELESUR ахада Патрисиа Вильегаси реиԥылара.

Аиԥылара мҩаԥысит TELESUR Каракас иҟоу аштаб-уадаҿы. Аиԥылара иалахәын: амаркетинги апрограммақәа рышьақәыргылареи рзы аилахәыра адиректор Хосе Антонио Гарсиа, TELESUR ашкол адиректор Роландо Сегура, Ацҳаражәҳәарҭа абжьгаҩ Наталиа Боброва.
аԥсны ацҳаражәҳәаҩ ахада Вильегас ҭабуп ҳәа леиҳәеит TELESUR аштаб-уадахь дахьналыԥхьаз, Аԥсны адәныҟатәи аусқәа рминистр Инал Арӡыба ихьӡала асалам лиҭеит, иара убасгьы иҳәеит Аԥсны гәахәарыла TELESUR адкылара ишазыхио.

Аганқәа алацәажәеит аилахәыреи Аԥсны ателерадиоеилахәыреи реимадара арӷәӷәара азҵаара, еиҳа инарҭбааны аинформациа, ажәабжьқәа, аматериалқәа реимдаразы. Иазыԥхьагәарҭеит аҟазауааи астудентцәеи реимдара.

Заур Ӷәаџьааи Патрисиа Вильегаси иара убасгьы аинтерес ззеицрымаз азҵаарақәа жәпакы ирзааҭгылеит.

Аиԥылара мҩаԥысит аԥхаарра ду аҵаны.

2017 шықәса хәажәкыра 7 азы Каракас ақалақь аҿы анапы аҵаҩын Аԥснытәи Аҳәынҭқарратә телерадиоеилахәыреи аилахәыра ТЕЛЕСУРи рыбжьара иобиективу аинформациа амедиа-ҵакыраҿы аларҵәараан аилибакаараз Амеморандум.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: