Аҧсны Адәныҟатәи аусқәа рминистр Хорхе Альберто Арреаса Монсеррат дидныҳәалеит

Аҧсны Адәныҟатәи аусқәа рминистр Хорхе Альберто Арреаса Монсеррат дидныҳәалеит
3 August 2017 414
Аҧсны Адәныҟатәи аусқәа рминистр Даур Ақаҩба Хорхе Альберто Арреаса Монсеррат дидныҳәалеит Боливариантәи Ареспублика Венесуела Адәныҟатәи аусқәа рминистрс дахьыҟарҵаз инадҳәаланы.

Адныҳәалараҟны иаҳәоит:

«Агәрагара ду сымоуп шәара Венесуела адәныҟаполитикатә позициа арӷәӷәареи жәларбжьаратәи аренаҟны иара аинтересқәа рыхьчареи алагала ду шашәҭо.
Аԥсны анапхгара Боливариантәи Ареспублика Венесуела аҭынчреи, ахьыԥшымреи, ажәлар рхалахатәҳәаақәҵареи ирзырханы имҩаԥнаго  ақәԥара иаша иадгылоит.
Боливариантәи Ареспублика Венесуела ажәлар адгылара ду  шәырҭеит шәара – рнапхгара. Урҭ Амилаҭтә шьаҭаркратә еизарахь алхрақәа раан еицҿакрыла Команданте Уго Чавес Фриаси Апрезидент Николос Мадуро Мороси рполитикатә курс жәаҳәарада ишадгылоз аадырԥшит.
Ҳара ахә ҳаракны иаҳшьоит ҳажәларқәа рыбжьара ишьақәгыланы иҟоу аиҩызара. Ҳгәыӷуеит ԥхьаҟагьы  ҳтәылақәа рԥеиԥш лашазы ҳусеицура иацаҳҵап ҳәа».

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: