Аԥсны Шьамтәылаҟа адашшыларатә шәҟәы ашьҭит

Аԥсны  Шьамтәылаҟа адашшыларатә шәҟәы ашьҭит
16 November 2020 459

Аԥсны адәныҟатәи аусқәа рминистрра Шьамтәылатәи Арабтә республика адәныҟатәи аусқәа рминистррахь адашшыларатә шәҟәы нанашьҭит Шьамтәыла аԥыза-министр ихаҭыԥуаҩ, Адәныҟатәи аусқәа рминистр Уалид аль-Муаллем иԥсҭазаара иалҵра инадҳәаланы.

Адашшыларатә шәҟәы аҿы иазгәаҭоуп:

«Аԥсны Аҳәынҭқарраҿы гәалсра дула ирыдыркылеит иналукааша адипломат, аполитик, Шьамтәылатәи Арабтә республика апатриот ду Уалид аль-Муаллем иԥсҭазаара далҵит ҳәа иааҩыз ашәаџь.

Муаллем Мрагылара ааигәа зегьы азы иуадаҩыз аамҭақәа раан аҭынчреи аҭышәынтәалареи рыҟазааразы изылшо зегьы ҟазҵоз дыруаӡәкын. Иаамҭаӡамкәа иԥсҭазаара иалҵра адунеитә дипломатиа зегьы азы ицәыӡ дууп.

Аԥсны Аҳәынҭқарраҿы Муаллем еснагь дыргәалашәалоит ҳажәлари ҳтәылеи ирҩыза дууз иакәны, Аԥсни Шьамтәылеи рыбжьара аиҩызаратә еизыҟазаашьақәа рышьақәыргылара алагала дуӡӡа азҭаз уаҩны» ҳәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: