Аԥсны Адәныҟатәи аусқәа рминистрра Приднестровиатәи Молдавиатәи Ареспублика Адәныҟатәи аусқәа рминистррахь Приднестровиатәи Молдавиатәи Ареспублика Аконституциа амш азы адныҳәалара нанашьҭит.
Адныҳәаларатә цҳамҭа аҿы иазгәаҭоуп:
«Приднестровиатәи Молдавиатәи Ареспубликаҿ 1995 шықәса ԥхынҷкәын 24 азы ирыдыркылаз Аконституциа аҳәынҭқарра аҭоурых аҿы адаҟьа ҿыц аанартит.
Аконституциа аҳәынҭқарра аполитикатә, азинтә, аекономикатә система ҳәаақәнаҵоит, милаҭрацәала еилоу ажәлар рҿаԥхьа иқәгылоу ауснагӡатәқәа рыӡбара алнаршоит. Приднестровиатәи Молдавиатәи Ареспублика илнахыз амҩа ианыланы иҿиоит, еизҳазыӷьоит.
Аԥсны-Приднестровиатәи аизыҟазаашьақәа рыҿиара иаҟазшьа ҷыдоуп аконструктивизм, аилибакаара, аидгылара. Агәра аагоит Аԥсны Аҳәынҭқарреи Приднестровиатәи Молдавиатәи Ареспубликеи реинырра ԥхьаҟагьы ажәларқәа реимадара шарӷәӷәало».