Аԥсны Аҳәынҭқарра Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистррахь адныҳәаларатә шәҟәы нанашьҭит Аахыҵ Уаԥстәыла Ареспублика амш инадҳәаланы.
Адныҳәалараҿы иаҳәоит:«Цәыббра 20, 1990 шықәсазы Аахыҵ Уаԥстәыла асовет демократиатә республикаҟынӡа астатус ашьҭыхраз аӡбра рыдыркылеит. Адекларациа адкыларала иҟаҵан раҧхьатәи ашьаҿа ахьыҧшымреи жәларбжьаратәи азхаҵареи рымҩахь.
Ари амш адоуҳатә ҵакы амоуп, ауаԥс жәлар реидгылара, ргәымшәара ныҭкааны иаанарԥшуеит.
Агәрагара ҳамоуп Аԥсны Аҳәынҭқарреи Аахыҵ Уаҧстәыла Ареспубликеи рҩызаратә еизыҟазаашьа ԥхьаҟагьы аҿиара амҩала ишцо азы».