Аԥсны Адәныҟатәи аусқәа рминистр ихаҭыԥуаҩ Одиссеи Бигәаа Урыстәылатәи Афедерациа Аконституциа амш азгәаҭара инамаданы Аԥсны иҟоу Урыстәыла азинмчнагӡа змоу ацҳаражәҳәаҩ Михаил Шургалин Урыстәыла Аконституциа амш идиныҳәалеит. 

Адныҳәалараҿы иаҳәоит: 

«Аконституциа Амш – ҳаамҭазтәи Урыстәылатәи аҳәынҭқарра асимвол хадақәа иреиуоуп. Аконституциа адкылара инаркны имҩасыз ашықәсқәа зегьы Урыстәылатәи Афедерациа аҩнуҵҟатә политикаҿы аконституциатә принципқәа ирықәныҟәо иааиуеит, жәларбжьаратәи апозициақәагьы акырӡа иарӷәӷәеит. 

Ирыдыркылаз Аконституциа шьаҭаны иазыҟалеит иӷәӷәоу, аҿиара иаҿу аҳәынҭқарра – Урыстәылатәи Афедерациа. Уи иахьа жәларбжьаратәи аизыҟазаашьақәа рзы зыгәра гоу аиҩызаратә тәылоуп. 

Аԥсни Урыстәылеи рыбжьара ишьақәгылаз аимадареи аусеицуратә еизыҟазаашьақәеи рыхә ҳаракны иаҳшьоит, ԥхьаҟагьы еиҳа-еиҳа иҿиалап ҳәа агәра ганы ҳаҟоуп. Агәра ганы сыҟоуп ҳамчқәа еилаҵаны ԥхьаҟагьы иҳалҳаршап ҳәа ҳажәларқәеи ҳтәылақәеи ринтересқәеи ҳастратегиатә партниорреи реизырҳара, рырӷәӷәара.»