Есышықәса рашәара 22 рзы адунеи аҿы иазгәарҭоит Аџьынџьтәылатә еибашьра ду алагара амш – агәалашәареи алахьеиқәреи Рымш. Имҩаԥган иара иахьа Аҟәагьы.
Аԥсны Адәныҟатәи аусқәа рминистр Даур Ақаҩба Идырым асолдаҭ ибаҟа аҿаԥхьа аибашьра иалагеижьҭеит 79 шықәса аҵра иазкыз шәҭқәа рышьҭаҵара ацеремониа далахәын. Идырым асолдаҭ ибаҟа амҵан ашәҭшьыҵәрақәа рышьҭаҵара ацеремониа иалахәын Аԥсны ахада ихаҭыԥуаҩ Бадра Гәынба, Аԥсны аиҳабыра рхаҭарнакцәа, араионқәа рхадацәа, Аҟәа ахадара аусуҩцәа, Аԥсны иҟоу Россотрудничествои Урыстәыла ацҳаражәҳәарҭеи рхаҭарнакцәа.
Ауснагӡатә еицымҩаԥыргеит Аԥсны иҟоу Россотрудничества ахаҭарнакра иацымҩаԥнагоит Владислав Арӡынба ихьӡ зху Ахьӡ-аԥша амузеи. Аҟәа иара адгылара арҭоит аҳҭнықалақь ахадареи Урыстәыла ацҳаражәҳәарҭеи.