Инал Арӡынба ателеканал «Россия 24» аинтервиу аиҭеит

Инал Арӡынба ателеканал «Россия 24» аинтервиу аиҭеит
28 February 2023 270

Адәныҟатәи аусқәа рминистр Инал Арӡынба ателеканал "Россия 24" аинтервиу аҭо иҳәеит Аԥсны ахада Аслан Бжьаниа жәабран 21 рзы Белоруссиа даҭааит, уаҟа Александр Лукашенко диԥылеит, аҩтәылак рхадацәа алацәажәеит ҩ-ганктәи аусеицура азҵаара ҳәа.

"Ҳара Аԥсни Беларуссиеи реизыҟазаашьақәа рырҿиара усны иҳамоуп» ҳәа иҳәеит аминистр ателеканал «Россия 24» аефир аҿы.

«Аҟәеи Мински Аԥснытәи аҩқәа Беларуссиаҟа рнагара иалагарц иҟоуп, абри азы аиқәшаҳаҭрақәа анапрыҵаҩра мҩаԥысуеит, Аԥснытәи аган аҟынтә егьырҭ атауартә позициақәагьы ирылацәажәоуп, убри аан беларуссиатәи атауарқәа – ахшаалыҵ аиԥш иҟоуи егьырҭи Аԥсныҟа иаагахалоит", - иҳәеит Арӡынба.

Иара убасгьы иҳәеит атуристтә проектқәагьы реицымҩаԥгара ишалацәажәо.

Аԥсны хықәкыс иамоу - ахьыԥшымра арӷәӷәароуп, уи азы ицхыраагӡахоит аинтеграциатә еидгылақәа, ҳәа иҳәеит Адәныҟатәи аусқәа рминистр Инал Арӡынба ателеканал "Россия 24" аинтервиу аҭо.

"Ҳара шәышықәсала ҳажәлар рықәԥара иалҵшәоу ҳҳәынҭқарратә суверинитет арӷәӷәаразы хра аланы ҳрыхәаԥшуеит аинтеграциатә еидгылақәа. Урыстәылатәи Афедерациагьы абри аус аҿы ацхыраара шҳанаҭо ҳақәгәыӷуеит", - иҳәеит аминистр.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: