Венесуела иҟоу Аԥсны Аҳәынҭқарра азинмчра нагӡеи иҷыдоуи анапынҵақәа змоу ацҳаражәҳәаҩ Заур Ӷәаџьаа дылԥылеит Венесуела ААР Европа аусқәа рзы аԥыза-министр ихаҭыԥуаҩ Даниела Родригес. Абри атәы аанацҳауеит адәныҟатәи аусқәа аминистрра
Аганқәа алацәажәеит ҩ-тәылақәа реизыҟазаашьақәа иахьатәи аҭагылазаашьеи, ԥхьаҟа аҿиаразы иҟаҵатәуи ртәы.
Жәларбжьаратәи аимадарақәа рырӷәӷәаразы Венесуела Аԥсны адгылара ишазыхиоу азгәарҭеит.
Аиԥылараан иҳәан аганқәа рыҩбагьы рзы аинтерес зҵоу аҭагылазаашьақәа рҟны ԥхьаҟагьы аицхыраареи аидгылареи рполитика шымҩаԥыргало.
Венесуела Аԥсни Аахыҵ Уаԥстәылеи рхьыԥшымра азханаҵеит цәыббра 10, 2009 шықәсазы.