Аԥснытәи аҳәынҭқарратә филармониаҿы аконцерт мҩаԥысит

Аԥснытәи аҳәынҭқарратә филармониаҿы аконцерт мҩаԥысит
23 August 2023 162

Урыстәыла Аԥсны азханаҵеижьҭеи 15 шықәса аҵра инамаданы Ражьден Гәымба ихьӡ зху Аԥснытәи аҳәынҭқарратә филармониаҿы аконцерт мҩаԥысит, нанҳәа 23 рзы.

Аԥсны Аҵара аминистрра анаԥхьарала ауснагӡатә рхы аладырхәит: АА АдәАР ихаҭыԥуаҩ Одиссеи Бигәаа, АА АдәАР аофициалтә хаҭарнак Викториа Маланиа, Латинтәи Америка, Азиа, АТР рдепартамент аиҳабы Мадина Зыхәба, Жәларбжьаратәи аиҿкаарақәа рнырраз адепартамент ареферент Сариа Џьопуа.

Аԥсны араионқәа зегь рҟынтәи ашколхәыҷқәа иаздырхиеит апрограмма. Уи инақәыршәаны Аԥсны азхазҵаз атәылақәа ркультура ахәаԥшыҩцәа иддырдырит.

Еизаз асцена аҟынтәи дрыдныҳәалеит Аԥсны иҟоу Урыстәыла ацҳаражәҳәарҭа ацҳаражәҳәаҩ-иабжьгаҩ Максим Литвинов. "Ҳаҭыр зқәу сҩызцәа, гәык-ԥсык ала Аԥсны аҳәынҭқарра ахьыԥшымра азхаҵара 15 шықәса ахыҵра шәыдысныҳәалоит! - иҳәеит иара аԥсышәала, анаҩс иациҵеит - нанҳәа 8 2008 шықәсазы Қырҭтәыла Аахыҵ Уаԥстәыла иақәлеит, жәларбжьаратәи аиқәшаҳаҭрақәа зегьы еилаганы. Урыстәыла Аахыҵ Уаԥстәыла ауааԥсыра рыхьчаразы ареспублика ар аланагалеит. Хәымш рышьҭахь нанҳәа 12 рзы, ақырҭуа ар атәыла иалцан. Нанҳәа 26 азы Урыстәылатәи Афедерациа иазханаҵеит Аԥсни Аахыҵ Уаԥстәылеи рхьыԥшымра. Ари аныҳәа шәара ишышәтәу аиԥш ҳаргьы иаҳныҳәоуп. Урыстәыла Ацҳаражәҳәарҭа ахьӡала ҭабуп ҳәа сҳәар сҭахуп аныҳәа еиҿызкааз Аԥсны Аҵара аминистрра анапхгара рахь, ашколхәыҷқәеи арҵаҩцәеи аконцерт ссир азы хазы сраҭабуыр сҭахуп», - иҳәеит Литвинов.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: