2023 шықәса ажьырныҳәа 23 азы Аԥсны Адәныҟатәи аусқәа рминистр Инал Арӡынба Приднестровиетәи иколлега Витали Игнатиев рыбжьара онлаин- формат ала аиԥылара мҩаԥысит.
Аиԥылараҟны инарҭбааны ирзааҭгылан атәылақәа рыҩба реизыҟазаашьақәа ирыҵаркуаз азҵаарақәа.
Аԥсны Адәныҟатәи аусқәа рминистр Инал Арӡынба Приднестровиетәи иколлега Витали Игнатиев идныҳәалеит Аԥсни Приднестровиеи рыбжьара Аиҩызареи аусеицуреи рзы Аиқәшаҳаҭра рыбжьарҵеижьҭеи 30 шықәса аҵра. Инал Арӡынба иазгәеиҭеит Аԥсни Приднестровиеи рыбжьара анапы зҵаҩу аиҩызаразы аиқәшаҳаҭра хада аҩмилаҭк ганрацәала реимадара арҿиареи арӷәӷәареи рзы исимволхеит, иара уасхырс ирзыҟалеит еиуеиԥшым аусхкқәа рҿы аизыҟазаашьа бзиақәа, традициала ирыбжьаз аиҩызара, агәреибагара еиҳагьы иарӷәӷәеит ҳәа.
Витали Игнатиев иазгәеиҭеит Аԥсни Приднестровиеи рыбжьара Аиҩызареи аусеицуреи рзы Аиқәшаҳаҭра хра аманы ишынарыгӡо, Аԥсни Приднестровие ԥхьаҟатәи рԥеиԥш азы аҵак ду аманы ишыҟоу.
Инал Арӡынба Витали Игнатиев Аԥсныҟа ааԥхьара ииҭеит 2023 шықәса лаҵара 17 азы иазгәарҭо Инал Арӡ Аԥсны Адәныҟатәи аусқәа рминистрра 30 шықәса ахыҵра амшныҳәахь.
Аиԥылара аԥхарра ду аҵаны имҩаԥысит.