2024 шықәса жәабран 22 азы Аԥсны адәныҟатәи аусқәа римнистр Инал Арӡынба Аԥсны аҿари аспорти русқәа рзы Аилак аҿар рыҟәша аиҳабы Идрисом Кара - Осман-оӷлыи Аҟәа ақалақь ахадара аҿари аспорти русқәа рзы адепартамент адиректор Ельза Ҳагԥҳаи дырԥылеит.

Аиԥылараҟны ирзааҭгылан аҿар рполитика аусхк аҿы аусбарҭабжьаратә еинырра актуалтә зҵаарақәа, Аԥсны БРИКС аспорттә хәмаррақәа рылахәра иара убасгьы хәажәкырамзазы Сириус аҿы имҩаԥгахараны иҟоу Адунеизегьтәи аҿар рфестиваль.

Инал Арӡынба Аԥснытәи аделигациа ари афестиваль ралахәра азырхиареи аиҿкаареи знапы иану аусбарҭа – Аԥсны аҿари аспорти русқәа рзы Аилак иазынаишьҭит ашәҟәқәа шәкы («Илон Маск: Tesla, SpaceX и дорога в будущее») рзы аҳамҭатә сертификат. Аҳамҭа ранашьахоит ҳтәыла ахьӡала афестиваль ахь инеиуа аҿар.