Аԥыза-министр ихаҭыԥуаҩ Беслан Џьопуеи Адәныҟатәи аусқәа рминистр ихаҭыԥуаҩ Иракли Ҭыжәбеи злахәу аделегациа Никарагуа иаҭааит Асандинисттә револиуциа 44 шықәса ахыҵра азгәаҭара алахәхаразы.
Аҳаиртә баӷәазаҿы Аԥсны аиҳабыратә делегациа дырԥылеит Никарагуа ахада иабжьгаҩ Лауреано Ортега.
44 шықәса раԥхьа, ԥхынгәы 19, 1979 шықәсазы Никарагуа аиааира агеит Асандинисттә револиуциа. Ари амш азы амилаҭ хақәиҭратә Асандинисттә фронт аотриадқәа (СФНО, FSLN) атәыла аҳҭнықалақь Манагуа инеины ишьаарҵәыраз арежим ахырҳәеит.
