Аҧсны адәныҟатәи аусқәа рминистр Даур Ақаҩбеи Науру Ахада Барон Дивавеси Вакеи реиҧылара мҩаҧысит

Аҧсны адәныҟатәи аусқәа рминистр Даур Ақаҩбеи Науру Ахада Барон Дивавеси  Вакеи реиҧылара мҩаҧысит
26 January 2018 669
Аҧсны адәныҟатәи аусқәа Рминистрра аделегациа Ареспублика Науру ахь аофициалтә ҭаара мҩаҧнагеит 2018 шықәса ажьырныҳәа 26 рзы.

Аҭаара аҳәаақәа ирҭагӡаны Аҧсны адәныҟатәи аусқәа рминистр Даур Ақаҩбеи Ареспублика Науру апрезидент Барон Дивавеси  Вакеи реиҧылара мҩаҧысит. Аиԥылара иалахәын Аҧсны Жәлар Реизара – Апарламент аиҳабы ихаҭыҧуаҩ Саид Ҳаразиеи жәларбжьаратәи аиҿкаарақәа аус рыцуразы Адепартамент анапхгаҩы Артур Гагәылиеи.

Даур Ақаҩба Барон Дивавеси Вака ҭабуп ҳәа иеиҳәеит Ареспублика Науру Ахьыҧшымра Амш 50-шықәса ахыҵра азгәаҭара иадҳәалоу аныҳәатә усмҩаҧгатәқәа  аҽрылархәразы изаашьҭыз ааԥхьаразы.

Аҧсны адәныҟатәи аусқәа рминистр Даур Ақаҩбеи Ареспублика Науру апрезидент Барон Дивавеси Вакеи реиҧылараан аҩганктәи аусеицура аперспективақәа ирылацәажәеит. Аҧсны адәныҟатәи аусқәа рминистр Даур Ақаҩба Ареспублика Науру апрезидент Барон Дивавеси Вака Аԥсны Ахада Рауль Ҳаџьымба иааԥхьара ииҭеит Аԥсны Ахақәиҭра амш 25 шықәса ахыҵра иҽалаирхәразы.

Аиԥылара анхыркәшаха аганқәа агәаларшәагатә ҳамҭақәа еимырдеит.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: