2023 шықәса ԥхынҷкәын 12 рзы Аԥсны АдәА рминистр Инал Арӡынбеи Шьамтәылатәи иколлега Феисал Микдади рыбжьара алҵшәа змаз аиҿцәажәарақәа мҩаԥысит.
Еиҳа излацәажәоз атемақәа иреиуан Мрагылара Ааигәа иҟоу аҭагылазаашьа, аԥсны-шьамтәылатәи ҩ-ганктәи аизыҟазаашьақәа, жәларбжьаратәи амшхәаԥштә азҵаарақәа.
Аиԥылара аихшьаалақәа рыла ихадараны иалкаауп:
Израиль имҩаԥнаго имҽыӷу, изиным аусқәа, Шьамтәыла аграждантә инфраструктура аобиектқәа риехсра;
Израиль имҩаԥнаго, асистематә ҟазшьа зауа иалагаз ахымҩаԥгашьа иақәыӡбеит, асектор Газа иҟоу арыцҳара гуманитартә рыцҳараны иаршьеит;
Иазгәарҭеит Шьамтәыла аганахь ала Мраҭашәара асанкциатә режим алигитимтә ҟазшьа шамам.
Аԥсны АдәА рминистр Инал Арӡынбеи Шьамтәылатәи иколлега Феисал Микдади USAID апроектқәа Аԥсны мап рыҟәкра азҵаара иалацәажәеит, Феисал Микдад иҳәеит ари аус аҿы Аԥсны адгылара шаиҭо.
Хара имгакәа Шьамтәыла аусура иалагараны иҟоуп Аԥсны Аконсултә маҵзура.
Аԥснытәи аҟазауааи адипломатцәеи рдырра аизырҳаразы акурсқәа ирхыслоит Шьамтәыла АдәАР Адипломатиатә институт аҿы.
Аԥсны адәныҟатәи аусқәа рминистр Инал Арӡынба Шьамтәылатәи Арабтә республика даҭааит жәларбжьаратәии аԥсуа-шьамтәылатәии еизыҟазаашьақәеи рызҵаарақәа рылацәажәаразы.